01_1_කතුවැකිය – මෙය කියවීමට පමණක් නොවේ

ලොව ඉදිරියට ඇදෙන්නේ නව දැනුම ඔස්සේ පමණක් ම ය. නව දැනුම නිර්මාණය වන්නේ නිර්මාණශීලී පර්යේෂණ සහ නව සොයා ගැනීම් මත ය. ‘රෝදය’, කාර්මික විප්ලවයට කරන ලද දායකත්වයේ සිට ජාන තාක්ෂණය විසින් 21 වන ශතවර්ෂයේ සිදු කරනු ලැබ ඇති විප්ලවය දක්වා ලොව ගමන් කරනු ලැබුවේ ලෝකය දෙස තියුණු ඇසකින්, වෙනස් වූ ඇසකින් බැලූ, පවතින දැනුමින් සෑහීමට පත් නො වූ මිනිසුන් නිසා ය. මෙවන් ගවේශණශීලී මිනිසුන් තම පර්යේෂණ කරනු ලැබූයේ රසායනාගාරවල පමණක් නො වේ. ඔවුන්ට ඇලවේලී, වතුපිටි, ක‍්‍රීඩා පිටි, යුද බිම්, සෑම තැනක් ම පර්යේෂණාගාර විය.